جون و جولي جوتمان
على مدار 40 عام إشترك الزوجان الأشهر فى العالم جون و جولي جوتمان فى عمل أبحاث لفهم طبيعة المشاكل و الخلافات بين الأزواج، علشان يخرجوا بنتاج ساهم في خدمة الملايين من الأزواج حول العالم.
ومن هنا جت طريقة جوتمان للعلاج الزوجي و المبادئ السبعة لعلاقة زوجية سوية.
لو أول مره تسمع كلمة جوتمان و
بتسأل إيه جوتمان؟
فطريقة جوتمان هي طريقة لعلاج الأزواج مبنية على نظرية اسمها “بيت العلاقة السوية”.
و بالرغم إن مشاكل البيوت فى طبيعتها مش واحدة وإن كل زوجين ليهم قصة مختلفة إلا إن النظرية أثبتت نجاحها و فعاليتها لمساعدة كتير من الأزواج فى العالم كله.
مين اللي أسس طريقة جوتمان؟
هما المعالجان جون جوتمان و جولي شوارتز جوتمان.
جون بالأساس مكنش معالج،
هو أستاذ علم نفس إكلينيكى فى جامعة واشنطن و عمره ما إهتم بعلاج الأزواج ولا مساعدتهم،
بالعكس دا كان بيحب يلاحظ مشاكلهم و خناقاتهم علشان يفهمها لأنه بالأساس باحث،
عكس جولى؛
هى معالجة نفسية متخصصة فى علاج كرب ما بعد الصدمة و العنف المنزلى و التحرش الجنسى و هى اللى أصرت إنهم يطبقوا الأبحاث دى على الأزواج لمساعدتهم.
و هم طبعاً اتناقشوا سوا و جون إقتنع جدا بوجهة نظر جولى و ابتدوا يحطوا النظرية و يطبقوها على الأزواج.
أسس الزوجان معهد جوتمان من أجل تقديم المساعدة في العلاقات للأزواج بالإضافة إلى تدريب للمتخصصين و العاملين بمجال الصحة النفسية مع الأزواج.
طب إزاي النظرية مبنية على أساس نظريات علم النفس؟
يعتمد منهج جوتمان
على نظرية البيت السوى
Sound House Theory
اللي بتحدد الأسس الأساسية لأي علاقة(بمعني أصح الأعمدة للعلاقة الزوجية).
تشبه نظرية Sound house إلى حد ما نسخة العلاقة من هرم ماسلو للإحتياجات
“Maslow’s hierarchy “
فى تسعة أجزاء أساسية من العلاقة التي تعتمد على بعضها لمساعدتك أنت وشريكك لتحقيق علاقة سوية.
تنص النظرية على أن أساس الرومانسية هو وجود صداقة حميمة بين الأزواج.
وإنه بمجرد وجود تفاهم و صداقة نقدر نتعلم المشاركة و قبول وجود الآخر وإدارة المشاكل و الخلافات مهما كانت متكررة و معتادة.
ومع كل مستوى من المستويات السبعة مرتبط بأنشطة مختلفة بتساعدك أنت وشريكك على تحقيق الهدف(المستوي).
بفضل المعالجان چون وچولي جوتمان قدر آلاف الأزواج إنهم يفهموا بعض ويحسنوا من علاقتهم يتجاوزوا صدمات كبيرة للطرفين…
و لقوة النظرية قدرنا هنا في AIP إننا نطبقها في مصر وبالفعل أصبحت
د. شاهندة خليل هي أول معالجة معتمدة في مصر و الشرق الأوسط من معهد جوتمان وقدرت تدرس المبادئ السبعة لعلاقة زوجية سوية و طريقة جوتمان للعلاج الزواجى.
وحاليا لأول مرة في مصر وجود مؤسسة علمية بتدرب جوتمان من مدرب معتمد.
وبنفخر ان AIP هي الرائدة في تدريس هذة المدرسة العلاجية.
إنت كمان تقدر تدرس طريقة جوتمان وتطبق النظرية مع حالاتك و كمان تقدر تبقي من أوائل المتدربين ثم المدربين في العالم العربى.
